Споделувањето на локацијата во живо може да трае до еден час, а корисникот може да обележи локација на мапата, на пример, за координација при пристигнување на одредено место.
Споделувањето локација може да се врши само приватно во директни пораки, „еден-на-еден“ или во групни разговори и е стандардно исклучено. Само учесниците во разговорот можат да ја видат локацијата, без можност да ја проследат до други.
За да се осигура дека корисникот нема да ја заборави вклучената функција за споделување на локацијата, постои индикатор на врвот од разговорот кој го потсетува. Корисникот може да го запре споделувањето на локацијата во секое време, дури и пред да истече дозволеното време од еден час.
Покрај оваа функција, Instagram воведе и 17 нови пакети со над 300 нови стикери (stickers), кои корисниците можат да ги користат во директните пораки „кога зборовите не се доволни“.
Исто така, именувањето во директните пораки сега може да се модифицира со додавање на „прекари“ (nicknames) за учесниците во разговорот. Овие прекари се прикажуваат само во директните пораки и не го заменуваат корисничкото име на друго место.
Прекарите може да се менуваат во секое време, а корисникот може да избере кој може да го менува неговиот прекар во разговорот. Оваа опција е стандардно овозможена за корисниците кои веќе ги следите, но може да се ограничи така што само вие ќе имате право да го промените.
Извор: Bizlife.rs
